Thaub u ov ….
Muaj ib tug txiv neej, muaj ib tug us kws cov qai mas yog kub xwb. Txhua txhua nub tes ib lub qai kub poob ntawm tug us lug rua tug txiv neej. Thaum tug txiv neej pum tau tas tug us cov qai mas yog kub taag zug xwb, tes nwg yeej tog tsi taug kuam txug nub tom ntej le, vim nwg xaav kuam tau lub qai kub. Lub sib hawm dlau zuj zug, tug txiv neeg ntawd nplua nuj zuj zug tuaj.
Thaum nwg yim muaj tuaj, nwg yim xaav kuam tau tug us cov qai ceev les ceev tau. Muaj ib nub, nwg cas les xaav tas yog nwg muab tug us ntawd phai kag tes nwg yuav muab tau tug us cov qai kub sai es tsi thaas yuav tog txug nub tom qaab les lawm. Tes nwg txawm ca les muab tug us tua es muab phai kag. Tab si tsi muaj ib lub qai kub nyob twg les. Nub tom qaab los tsi muaj ib lub qai kub lawm, vim tug us tuag lawm.
Tes tug txiv neej ntawd les maam paub tas vim nwg txuj kev kws sab tuab lu hab xaav kuam nwg nplua nuj sai sai, nwg tau ua yoom kev lawm kws nwg tau muab tug us tua tseg lawm. Nwg txha les tsi muaj qai kub ntxiv lawm.
Zaaj lug nruag tes taag les nuav lawm. Thov kuam peb ncu ntsoov tas yuav kuam peb tau noj taag moog les, peb yuav tsum ua zoo sai hab ua zoo tu peb tug us sub peb txha les yuav tau lub qai kub taag moog les.